NIS Kostanay командасы ЕNACTUS KAZAKHSTAN NATIONAL EXPO чемпионатына қатысты

Қостанай қаласындағы НЗМ оқушылары алғаш рет Enactus NIS Kostanay командасын құрып, ENACTUS KAZAKHSTAN NATIONAL EXPO Мектеп оқушылары кәсіпкерлігінің V Республикалық чемпионатының жартылай-финалына қатысты.

Чемпионат Астана қаласында 25-26 сәуірде өтті. Онда еліміз бойынша 22 мектеп командалары жеңіс үшін ат салысты.

Enactus NIS Kostanay екі жобамен қатысты: GreenPack және TQ-drone.

GreenPack - биокомпозиттердің негізіндегі биопластикалық тағам контейнерлері. Бұл жоба әлемдегі пластиктен ластану мәселесін шешуге бағытталған.

TQ-drone - бұл өрттен немесе өзге себептерден жойылған ормандарды қайта ынталандыруды көздейтін жоба. Дрон арқылы ағаш тұқымдарын қол жетпейтін жерге сеуіп, ормандардың өсіуін қамтамасыз етеді.

Команданың сөздерінен, бұл чемпионат қызықты және әсерлі болғанын байқауға болады. Әр қатысушы сайыстың арқасында теңдесіз білім, мол күш жігер және қуат жинап алды.