Жергілікті ақын Марғұлан Бақытбекұлы Оспановпен кездесу кеші өтті

Қостанайдағы Назарбаев зияткерлік мектебінде «Замандастар жырлары» жобасы аясында белгілі журналист, ақын, облыстық Ы.Алтынсарин атындағы мемориалдық музейінің басшысы, айтыс ақындары мен жыршы-термешілері Халықаралық Одағының мүшесі, есімі аймақтық «Алтын кітапқа» енген, облыстық меценаттар клубы «Шабыт» сыйлығының лауреаты, Қостанай облыстық композиторлар одағының мүшесі Марғұлан Бақытбекұлы Оспановпен кездесу өтті.
Кездесу барысында оқушылармен Марғұлан Оспанов Ы.Алтынсарин атындағы мұражайдың ғылыми-зерттеу жұмыстарымен таныстырды. Ол өзінің ақындық жолын әңгімелей отырып, оқушыларды кітап оқуға және сөз шеберліктерін ұштауға шақырды.

Сондай-ақ, өз шығармашылық қоржынынан оқушыларға қонақ кәде ретінде тарту жасады.
Кездесу соңында қадірлі қонағымызға мектеп ұжымы атынан директордың тәрбие ісі жөніндегі орынбасары Әмір Ажмұхамбетов алғыс айта отырып, сый-құрмет көрсетті.

«Замандастар жырлары» жобасы іс-шарасын ұйымдастыруға қазақ тілі мен әдебиеті мұғалімдері атсалысты.