“HardChord” вокалды тобы жеке концертін берді

Қостанай қаласындағы Назарбаев Зияткерлік мектебінің 10 жылдығына арналған іс шаралар циклі аясында “MART” ойын-сауық орталығында “HardChord” вокалды аспаптық ансамблінің жеке концерті өтті.

Мектебіміздің мақтаныштары Булат Сейтмуратовтың жетекшілігімен көптеген Халықаралық, Республикалық байқауларда жеңімпаздары атанып келеді. Мәселен, осы жылы Бакудегі “Azerbaijan grand Festival” халықаралық байқау-фестивалінің лауреаты атанды.

Кеште «Қиын, оңай», «Ромашки», «Je veux» сынды әндер шырқалды. Олардың арасында «Shallow» әні 2018 жылы Hollywood Music in Media Awards салтанатында Best Original Song – Feature Film номинациясына ұсынылып, марапатты жеңіп алған болатын. Әдемі кеште жиналған көрерменнің ықыласы ерекше болды.

Талантты оқушыларымызға әлі де биік белестерді бағындыруына тілектеспіз!