Олимпиада жеңістеріне жол: Қостанай NIS-тегі оқу-жаттығу жиындары

2024 жылдың 12-17 тамыз аралығында NIS Kostanay-да НЗМ олимпиадалық резервіндегі оқушыларға арналған оқу-жаттығу жиындары өткізілді.

Оған математика, физика және география пәндері бойынша 21 Назарбаев Зияткерлік мектептері филиалдарының 8-9 сынып оқушылары келіп қатысты.

Оқу-жаттығу жиындарына қатысушылар кешкі уақыттарын арт терапияға арнады. Онда оқушылар киізбен жұмыс істеп, түрлі суреттер салды. Сондай-ақ, керамика өнерінің негіздерін меңгеріп, шығармашылық әлеміне еніп кетті. Әрбір жұмыс - бұл оқушылардың ішкі әлемін көрсетті.

Жиын аясында оқушылар «NIS додасы» спорттық фестивалінде өзара бақ сынасты. Қатысушылар «Арқан тартыс», «Қол күрес», «Нысанаға көздеп ату» сынды спорттық жарыстарда шеберліктерін шыңдады.

Сонымен қатар, оқушылар жеке қорғану құралдарын қолдану тәсілдерін меңгерді. Бұл сайыс тек спорттық дағдыларды дамыту ғана емес, сондай-ақ командалық рухты көтеру, ынтымақтастықты нығайту мақсатында ұйымдастырылды.

Оқу-жаттығу жиынына қатысушылар оқу бағдарламасы туралы өз ойларымен бөлісті. Олардың пікірінше, бағдарлама өте мазмұнды және жан-жақты қамтылған. Оқушылар оқу материалының тереңдігін атап өтті, және теориялық білімді практикада қолдануға мүмкіндік алды.

Жалпы, олар оқу-жаттығу жиынының бағдарламасы және ұйымдастыру деңгейіне өте риза болғанын жеткізді.