Пікірсайыс үйірмелері жетекшілеріне арналған аймақтық семинар

Өңірлік мектептердің пікірсайыс үйірмелері жетекшілеріне арналған аймақтық семинар Қостанай қаласындағы физика-математика бағытындағы Назарбаев Зияткерлік мектебінде өтті.

«Халықаралық мектеп пікірсайыс форматы (WSDF) контекстінде пікірсайыс клубтарын ұйымдастырудың жаңа әдістері» атты тақырыпта өткен шараның спикері ретінде Қостанай қаласындағы физика-математика бағытындағы NIS-тің педагог-ұйымдастырушы-куратор Қазман Ратбек Қажыханұлы қатысты.

Білікті маман пікірсайыс технологиясының жаңа әдістері және пікірсайыс клубтарын жаңадан құру жөнінде теориялық білім мен практикалық тәжірибесімен бөлісті.

Жиын барысында қатысушылар арасында кіші турнирлер ұйымдастырылып, WSDF контекстінде пікірталас алаңын дамыту жоспарын құру бойынша топтық жұмыстар жүргізілді.

Аталған семинардың соңында қатысушыларға сертификаттар табысталды.