«Ұрпақтар сабақтастығы» жобасы: ахметтанушы Ағытаев Ибраһим Ағытайұлымен келелі кездесу өтті

Қостанайдағы Назарбаев Зияткерлік мектебінде «Ұрпақтар сабақтастығы» жобасы аясында Ахмет Байтұрсынұлының ұрпағы, ахметтанушы ғалым, ұстаз, журналист, этнограф Ағытаев Ибраһим Ағытайұлымен кездесу өтті.

Бұл кездесу жастарға Ахмет Байтұрсынұлының мұрасын таныту, ұлттық құндылықтарды насихаттау және ұрпақтар арасындағы рухани байланыс орнату мақсатында ұйымдастырылды.

Кездесу барысында Ибраһим Ағытайұлы оқушыларға «Ақ жол» экспедициясында анықталған Ахмет Байтұрсынұлы жайлы тың деректермен және зерттеу нәтижелері туралы айтып берді.

Сондай-ақ, Ұлт ұстазының жары Бадрисафа өмірін зерт¬теуге арналған «Бадрисафа» экспедициясындағы тың деректермен бөлісті.

Шарада оқушылар Ахмет әлемі туралы өздерін қызықтырған сұрақтарға жауап ала алды.

Кездесу соңында қадірлі қонағымызға мектеп ұжымы атынан директордың тәрбие ісі жөніндегі орынбасары Әмір Ажмұхамбетов алғыс айта отырып, сый-құрмет көрсетті.