NIS-те Ашық есік күні

«Қоғамға қызмет» әлеуметтік жобасы аясында Қызылорда қаласындағы Зияткерлік мектеп оқушылары №7 арнайы (түзету) мектеп интернатының тәрбиеленушілеріне арнап Ашық есік күнін өткізді.

«Әл Фараби» мен «Алаш» шаңырақ белсенділері қонақтарға мектеп ішін аралатып, таныстырды. Балалар робототехника үйірмесінің жұмыстары мен қызықты химиялық тәжірибелерді көріп, ерекше қызығушылықтарын байқатты.

Келесі бөлімде екі мектеп шәкірттері көңілді эстафеталық сайыста бас қосты. Балалар зияткер оқушылармен араласып, топтасып сайысқа түсті. Спорттық ойындарда бой сергітіп, достық қарым-қатынастарын арттырды.

Кездесу соңында ата-аналар мен ұстаздардың қолдауымен дайындалған әртүрлі дамытушылық ойындар сыйға берілді.