NIS-те жазушы Жүзбай Таңрықбаев қонақта

ҚР Журналистер одағының мүшесі, «Кәсіпкер келбеті» газеті және «Кәсіпкер және мәдениет» журналының редакторы Жүзбай Таңрықбаев Сыр өңіріндегі Назарбаев Зияткерлік мектебінде болып, оқушыларға кітаптарын тарту етті.

Жүзбай аға өзінің «Өмірдің өз шындығы», «Жолдағы ойлар», «Жайсаң жандар», «Сұлушаш», «Тәуелсіздік тұғырын биіктеткендер» атты еңбектерін кітапхана қорына табыстады. Бұл әдебиеттер жас өрендердің кітап оқуға деген қызығушылығын арттырып, өңірдің кәсіпкерлік саласын дамытуға қосқан үлесі зор еңбек адамдарымен таныстыратын болады.

Оқушылар алдағы уақытта қаламгермен кездесу ұйымдастырып, шығармашылығын кеңінен талқылау және жазушылық тәжірибесі туралы ақпарат алуға қызығушылықтарын білдірді.