Біз — KiVa мектебіміз

Қызылорда қаласындағы Назарбаев Зияткерлік мектебінде «KiVa» командасы ақпараттық-түсіндірме жұмыстарын бастады. 

KiVa — Финляндиядағы Турку университетінің ғалымдарының ғылыми зерттеулеріне негізделіп әзірленген буллингке қарсы бағдарлама. Бүгінде ол әлемнің 20-дан астам елінде сәтті қолданылуда. «Назарбаев Зияткерлік мектептері» дербес білім беру ұйымы Қазақстан мен Орталық Азиядағы KiVa бағдарламасының бірінші лицензияланған серіктесі болып табылады. 

 KiVa бағдарламасының оқу-жаттығуынан өткен мектептің арнайы топ мүшелері ата-аналармен және оқушылармен кездесіп, бағдарлама туралы түсінік беруде. Сонымен қатар Буллинг дегеніміз не? Оның қандай түрлері бар? Қысым көрген жағдайда кімнен көмек сұрау керек? секілді сауалдар аясында ақпаратандырды.