Ұстаздар күніне тарту

Ұстаздар күні мерекесіне орай Қызылорда қаласындағы Назарбаев Зияткерлік мектебінің оқушылары мұғалімдерге мерекелік концерт тарту етті.

Ретро тақырыбында өткен музыкалық кеш бұрыңғы кезеңге бір сәт оралуға мүмкіндік берді. Жанды тербеткен танымал фильмдердің саундтректері, көңілді билер мен домбырашылар өнері көрермендерге ерекше көңіл-күй сыйлады. Әрбір музыкалық номерде шәкірттер ұстаздарына деген алғыстарын жеткізді.

Мектеп директоры Жаңбыржан Бекболатов барлық педагог қызметкерлерді кәсіби мерекесімен құттықтап, оқу-ағарту министрлігінің және «Назарбаев Зияткерлік мектептері» дербес білім беру ұйымының Құрмет грамотасы мен Алғыс хаттарын табыстады. Сондай-ақ мектептің 16 қызметкері мектеп директорының Алғыс хатымен марапатталды.