READx: шабыттандыратын кітаптар

Қызылорда қаласындағы Зияткерлік мектепте Readx шарасы өтті. Оқушылар мен ұстаздар өздерінің сүйікті кітаптарымен бөлісіп, оқырмандардың қызығушылықтарын оятты.

Ақыл мен адамшылық туралы терең ой қалдырар «Элджернона үшін гүлдер» кітабы, өзінің өзектілігін жоғалтпайтын достық пен қамқорлық атмосферасын сезіндіретін «Полустанок» кафесіндегі қуырылған жасыл қызанақтар» шығармасы және жас ұрпақты беймәлім дүниелерді танып, ұлы жаңалықтармен таныстыратын Жюль Верннің туындылары спикер баяндамаларында жан-жақты таныстырылды.

Іс-шара барлық қатысушыларға ұмытылмас әсер қалдырып, жаңа кітаптарды оқуға шабыт сыйлады. READx — бұл кітаптар туралы пікір алмасу ғана емес, сонымен қатар әдебиет әлеміне еніп, жаңа көкжиектерді ашуға мүмкіндік беретін ерекше жоба.