Тірек мекемелерінің оқытушыларымен вебинарлар

🌱Павлодар қаласындағы Назарбаев Зияткерлік мектебінің ұстаздары тірек мектерінің оқытушыларымен түрлі танымды семинарлар өткізді. Тірек мектептердің қатарында Тереңкөл, Ертіс, Баянауыл, Аққулы аудандарының мектептері бар. Пилоттық мектептердің биология пәні мұғалімдеріне  "Жасушалық тыныс алу" тақырыбында Айсулу Адамова  семинар өткізді. Онда жасушалық тыныс алу кезеңдерінде жүретін үрдістер түсіндіріліп, оқу барысында қиындық тудыратын сұрақтар талқыланды. Сонымен қатар, семинарда мұғалімдерге саралау түрлері мен ұйымдастыру тәсілдерімен таныстыру болды. География сабақтарында саралаудың тиімді әдістерін қолдану жолдары көрсетілді. Сондай-ақ, сараланған тапсырмаларды құрастыру бойынша кеңестер мен ұсыныстар берілді. Физика сабағы бағытында функциональды сауаттылық бойынша бірқатар жағдаяттар шешілді.