Мұғалімдер күніне арналған мерекелік іс-шара

Назарбаев Зияткерлік мектебінде мұғалімдер күніне арналған мерекелік іс-шаралар жалғасуда. Бүгінгі күн мұғалімдер үшін де, оқушылар үшін де ерекше жарқын сәттерімен есте қалмақ.
Мерекеге орай, мұғалімдер күнделікті жұмыс костюмдерін қалдырып, мектепке бантик тағып, түрлі-түсті рюкзактарымен және тіпті сүйікті ойыншықтарымен келді. Ал оқушылар болса, мерекенің құрметіне сүйікті ұстаздарына тиктология, сленгтану, мемология және хореография пәндерінен қызықты сабақтар ұйымдастырды.
Сабақ барысында мұғалімдер TikTok үшін вирустық бейнероликтер түсіруді үйренді, өз мемдерін жасап, оқушылардың сленгынде сөйлеп, қуана-қуана биледі. Ұстаздар үшін бұл сүйікті шәкірттерінің әлеміне керемет шолу күні болды. Мұғалімдер білім алып, "сабақтар" арасында күш жинауы үшін оқушылар оларға кофе-брейктер де ұйымдастырды.
Петропавлдық NIS мұғалімдері үшін оқушы ретінде бір күн өткізу көңілді және қызықты тәжірибеге айналды. Ерекше шығармашылық, керемет көңіл-күй мен бейресми атмосфера мерекенің шырайын келтірді.