Президенттік олимпиаданың мектепішілік кезеңі

Петропавл қаласының Назарбаев Зияткерлік мектебінің оқушылары Президенттік олимпиаданың мектепішілік кезеңіне қатысты. Олимпиадада оқушылар бірден төрт пән бойынша – математика, химия, физика және биологиядан күрделі тапсырмаларды орындады. Мектепішілік кезеңнің жеңімпаздары еліміздің Назарбаев Зияткерлік мектептерінің барлық оқушылары арасындағы олимпиаданың желілік кезеңіне қатысуды жалғастырады. Ал үздіктердің үздігі республикалық деңгейде бәсекеге түсуге мүмкіндік алады.

Жыл сайын Назарбаев Зияткерлік мектебінің оқушылары жоғары нәтижелер көрсетіп, олимпиаданың республикалық кезеңінде жүлделі орындарға ие болады.

Сондай-ақ, мектеп оқушылары Жас тарихшылардың "Менің кіші Отаным" атты VIІ Республикалық зияткерлік байқауына да қатысты.