"Назарбаев Зияткерлік мектептері" ДББҰ Басқарма Төрағасы Әнуар Жанғозинның марапаттары тапсырылды

Ұстаздар күнін мерекелеу аясында Петропавл қаласының Назарбаев Зияткерлік мектебінің бес ұстазы "Назарбаев Зияткерлік мектептері" ДББҰ Басқарма Төрағасы Әнуар Жанғозинның марапаттарына ие болды. Жоғары кәсібилігі мен өз ісіне деген адалдығы үшін мектеп әдіскері Болатхан Жүсіпов, математика пәнінің мұғалімі Валентина Соболева және ұйымдастырушы-педагог-куратор Сәуле Уәлиева алғыс хатпен марапатталды. Химия пәнінің мұғалімі Гүлнар Елубаева мен ұйымдастырушы-педагог Мөлдір Мукова Басқарма Төрағасынан құрмет грамоталарын алды. Сонымен қатар бірқатар ұстаздар да қошаметке бөленді.
Педагогтарға марапаттарды мектеп директоры Данияр Уәлиев жалпы мектептік кеңесте табыс етті. Бұл қошемет – мұғалімдердің еңбегін, олардың мектептің дамуына және зиялы қауымның жаңа буынын тәрбиелеуге қосқан үлесіне деген алғыс.