CIS қайта аккредиттеуіне дайындық

Петропавл қаласының Назарбаев Зияткерлік мектебі маңызды шара — Council of International Schools (CIS) қайта аккредиттеуіне дайындықты пысықтауда. 14 қазанда мектептің халықаралық қайта аккредиттеуге дайындығын бағалайтын делегация келеді.
Мектеп директоры Данияр Уәлиевтің жетекшілігімен өткен жалпы жұмыс отырысында ұжым қайта аккредиттеу домендерінің әрқайсысын егжей-тегжейлі талқылап, атқарылған жұмыстар бойынша әр аспектіге назар аударды. Сонымен қатар барлық қызметкерлер алдағы сапарға толық дайын болуы үшін аккредиттеудің негізгі критерийлерімен тағы бір рет танысты.
CIS халықаралық аккредиттеуі білім беру сапасы мен мектепті басқарудың маңызды көрсеткіші болып табылады. Бұл жоғары әлемдік стандарттарға сәйкестікті, жаһандық білім беру қоғамдастығында танылуды растайды, сондай-ақ оқушылар мен мұғалімдерге даму, халықаралық ынтымақтастық және кәсіби өсу үшін жаңа мүмкіндіктер ашады. Қайта аккредиттеу – жай ғана бағалау емес, сонымен қатар мектептің қазіргі жаһандық әлемде оқушыларды жан-жақты дамытуға бағытталған принциптер мен стандарттарды ұстанатынын растау.