Мұғалімдер күніне арналған ерекше құттықтау

Биыл Петропавл қаласының Назарбаев Зияткерлік мектебінің оқушылары мұғалімдер күніне арналған ерекше құттықтау ұйымдастырды. Ұстаздардың кәсіби мерекесіне орай оқушылар "Пайдалы энергия уақыты" жобасы аясында "Мектептегі бақытты өмірім" атты жарқын флешмоб ұйымдастырды. Мектептің әр шаңырағы өзінің би қойылымын ұсынып,өздеріне бекітілген мұғалімдердің әдістемелік бірлестіктерін мерекемен құттықтады.
Арнайы шақырылған қазылар алқасы балалардың шығармашылық жұмысын, хореографиясы мен қойылымын бағалады. Оқушылар іс-шараға бірнеше апта бойы қызу дайындалып, әр қимылын ұштап, ерекше би композицияларын жасады.
Мұғалімдер оқушылардың жылы және көңілді қойылымдарын тамашалап, өздеріне арналған құттықтауларды қуана қабылдады. Бұл кеш қуаныш пен алғыс атмосферасын толы болды. Ал флешмобтар фестивалінің қорытындысы бойынша гран-при "Өркен" шаңырағына лайықты ие болды.
Бұл іс-шара оқушылар мен мұғалімдерді жылы және достық атмосферада біріктіре отырып, барша мектеп қауымдастығы үшін нағыз мерекеге айналды.