Шеберлік сыныптарын өткізді

Петропавл қаласының Назарбаев Зияткерлік мектебінің қазақ тілі мен әдебиеті пәнінің мұғалімдері Дина Есімова, Динара Мұқанова, Әйгерім Қайданова және Асыл Ысқақова "Өрлеу" институтының “Солтүстік Қазақстан облысының қазақ тілі мен әдебиеті пәні мұғалімдерінің пәндік құзыреттілігін дамыту” біліктілікті арттыру курсы аясында шеберлік сыныптарын өткізді. Шараға Солтүстік Қазақстан облысының қазақ тілі мен әдебиеті ұстаздары қатысты.
Шеберлік сыныптарының барысында мұғалімдер Назарбаев Зияткерлік мектептерінің білім беру ортасында белсенді түрде қолданылатын оқытудың заманауи әдістемелерімен бөлісіп, тілдік құзыреттілікті дамыту бойынша практикалық мысалдарды көрсетті. Іс-шараға қатысушылар мектеп бағдарламасына инновациялық әдістерді енгізу, оқушылардың сыни ойлауы мен пәнге деген қызығушылығын дамыту тәсілдерімен таныса алды.
Бұл шеберлік сағаттары ұсаздар үшін тәжірибе алмасу және қазақ тілі мен әдебиетін оқытудың жаңа тәсілдерін енгізу үшін пайдалы алаңға айналды.