"JasRepublic CUP" өңірлік пікірсайыс турнирі

Петропавл қаласының Назарбаев Зияткерлік мектебінде "Әділетті, таза және қауіпсіз Қазақстан" тақырыбында "JasRepublic CUP" өңірлік пікірсайыс турнирі өтті. Облыстық шараға 12 команда, оның ішінде қалалық мектеп оқушылары, сондай-ақ Қызылжар ауданы мен Шал ақын ауданынан келген құрамалар қатысты. Барлығы қазақ тілінде 10 фракция және орыс тілінде 14 фракция сайысқа түсті. Назарбаев Зияткерлік мектебінің намысын әр тілде үш команда қорғады.
Турнир қорытындысы бойынша мектеп құрамалары 4 жүлделі орынға қол жеткізді. Қазақ лигасында "Winners" және "Алаш" командалары сертификатқа ие болса, "Батопори" командасы 3 орыннан көрінді. Орыс лигасында "Сияж" командасының пікірсайысшылары 3-орынға ие болды, "2+1" командасы екінші орынды иеленді. Ал "Легион" командасы үздік атанып, республикалық кезеңде өңір насысын қорғайтын болады.
Дүйсенбілік салтанатты жиында жеңімпаздар мен жүлдегерлерді мектеп директоры Данияр Уәлиев құттықтап, үздік нәтижелері үшін оқушыларға грамоталар мен кубок табыс етті.