Оқушылардың өзін-өзі басқару Парламентінің жаңа спикерін салтанатты түрде ұлықтау рәсімі

Петропавл қаласының Назарбаев Зияткерлік мектебінде оқушылардың өзін-өзі басқару Парламентінің жаңа спикерін салтанатты түрде ұлықтау рәсімі өтті. Бұл лауазымға сайлау қорытындысы бойынша 11 сынып оқушысы Досымжан Нұрғазин лайық деп танылды. Жаңа спикер рәсім барысында оқушылар мен мектеп қоғамдастығына адал қызмет етуге, олардың мүдделерін қорғауға және мектеп өмірінің дамуына ықпал етуге ант берді.
Мектеп директоры Данияр Уәлиев жаңа спикерге алдағы қызметінде табыс тіледі. Сондай-ақ былтырғы спикер Азат Қабиденге мектептің оқушылар ұйымының дамуына қосқан зор үлесі мен жемісті жұмысы үшін алғысын білдірді.
Оқушылар Парламентінің Спикері лауазымына үміткер үш оқушы да дайындықтың жоғары деңгейін көрсетіп, сайлауға белсенді қатысқаны үшін алғыс хатпен марапатталды.