Ақтөбедегі NIS-те Ұстаздар күні аталып өтті

Ақтөбе қаласындағы Назарбаев Зияткерлік мектебінде Ұстаздар күніне арналған салтанатты шара өтті. Мерекелік концерттің ашылуында мектеп директоры Қайырбек Сәбитұлы сөз сөйлеп, ұстаздардың өскелең ұрпақты білім мен тәрбиеге баулудағы рөлін айрықша атап өтті.

Мереке аясында бірқатар мұғалімдер «Назарбаев Зияткерлік мектептері» дербес білім беру ұйымының басқарма төрағасы Әнуар Жанғозин атынан алғыс хаттармен марапатталды.

Оқушылар сүйікті ұстаздарына арнап ән айтып, би билеп, ерекше ықылас танытса, ата-аналар да сахнаға шығып, өз өнерлерін паш етіп, мерекелік көңіл-күй сыйлады.