NIS Ақтөбе оқушылары NASA Space Apps Challenge 2024 байқауында барлық жүлделі орындарды иеленді

Ақтөбедегі Назарбаев Зияткерлік мектебінің оқушылары 2024 жылдың 6-7 қазан күндері American Corner Aktobe-де өткен NASA Space Apps Challenge аймақтық хакатонында барлық жүлделі орындарды жеңіп алды. 36 сағат бойы қатысушылар ғарыш және астронавтикаға байланысты шешімдер әзірледі. Байқауға 18 команда қатысып, олардың үшеуі Атырау қаласынан келді.

І орынды және 300 000 тг сертификатын RABIS командасы жеңіп алды, оның құрамында Даир Сырлыбаев пен Максим Косов болды. ІІ орынды және 100 000 тг сертификатын екі команда иеленді: Deplonia құрамында Керей Бердішев, Әлихан Бағланов, Джафар Мажитов және Абдулазиз Ғабитов, сондай-ақ TechBlossom командасы, оның мүшелері Наргиз Өтеген, Адия Сейтжапарова, Дильназ Нурумбаева, Медина Бижан.