Мектеп жатақханасында полиция өкілдерімен кездесу өтті

Бүгінгі таңда жасөспірімдер арасында әр түрлі құқықбұзушылықтар жиі орын алуда. Жасөспірімдер көбінесе құқыққа қарсы әрекеттерінің салдарын толық түсінбейді.  Осыған байланысты, тәрбиешілердің ұйытқы болуымен, жатақхана оқушыларына, Затон ПБ ЖПҚБ ЮПТ УПИ полиция каптианы Салтанат  Такиева және полиция аға лейтенанты Думан Еркинбековпен кездесу өтті. 

Кездесу барысында зияткерлерге тәртіп сақшыларымен  құқықбұзушылықтардың түрлері мен оның салдары, құқықбұзушылықтың жауапкершілігі, буллинг, ақпараттық қауіпсіздік туралы ақпарат берілді. Сонымен қатар, түрлі жағдаяттар келтіріліп бірнеше құқықбұзушылық фактілері оқушылармен бірлесе талқыланды. Оқушылар болса, полиция қызметкерлеріне өз ойларындағы сұрақтарын қойып, құқықтық кеңес алды.

Құқықбұзушылықтар мен қылмыстардың алдын алу үшін жасөспірімдерге құқықтық білім ауадай қажет. Бұл тек қоғамның қауіпсіздігін қамтамасыз етпейді, сонымен қатар жасөспірімдердің өз құқықтары мен міндеттерін дұрыс түсінуіне көмектеседі.