12-сынып оқушылары Дублиндегі IGeO-2024 олимпиадасының шыңын бағындырды

Халықаралық IGEO- 2024 Олимпиадасында 12-сынып оқушыларымыз Арсен Сыдыков пен Қанат Серікбай топ жарды.
Биыл Олимпиада Ирландияда мемлекетінің Дублин қаласында өтті. Әлемнің 50 елінен келген 200-ге жуық қатысушылардың арасынан Арсен мен Қанат олжалы оралды.
Байқау нәтижесінде зияткерлер қола медаль иегерлері атанды. Бүгін Шымкент әуежайында болашақ NIS түлектерін ұстаздар күтіп алып мектеп директорының орынбасары Мухабат Махомаджановна ата-аналарына алғыс білдіріп, жеңіспен құттықтады.
Еске сала кетсек, жақында Сербияның Копаоник қаласында өткен географиядан X Еуропалық олимпиадада Арсен Сыдықов алтын, ал Қанат Серікбай күміс медальдарға ие болған еді. Сондай-ақ оқушыларымыз басқа да беделді халықаралық және республикалық олимпиадаларда үздік нәтиже көрсетіп жүр.
Оқушыларымыздың жеңістеріне тікелей себепші - география пәнінің мұғалімдері Молдир Жунисова мен Нұрсултан Утебаевқа алғыс айта отырып, құттықтаймыз!