1 қыркүйек - Білім күніне орай ұйымдастырылған «Келешек кепілі – кемел білім» атты салтанатты жиыны өтті.

Аяулы да сүйікті мектебіміз жазғы демалысын мәнді өткізіп, сағынышпен алтын ұя мектебіне асыққан 7 -сынып оқушыларын құшақ жая қарсы алып, зияткерлер қатарына қабылдады.

Салтанатты шарада мектеп директоры Лаура Серікболқызы сөз сөйлеп, мектеп табалдырығын жаңа аттаған жас зияткерлерге сәттілік тіледі.

Сонымен қатар, жетістікке жеткен оқушылар марапатталды. Осындай қуанышты сәтті бізбен бөлісіп, оқушыларымызға жылы лебізін, жүрекжарды құттықтауын жеткізуге мектептің Қамқоршылар кеңесінің мүшесі, Түркістан облыстық мәслихатының депутаты Ғалымжан Елшібай пен ата-аналар комитетінің төрағасы Жомарт Омаров келді.

Салтанатты іс-шарада «Назарбаев Зияткерлік мектептері» Дербес білім беру ұйымының қалыптасуы мен дамуына қосқан зор үлесі үшін басқарма төрағасы Әнуар Қанатұлының арнайы алғыс хаттарымен ұстаздар да марапатталды.

Мерекелік іс-шара 7- сынып оқушыларына арналған жәрмеңкемен жалғасын тапты. “Білім аллеясы” жәрмеңкесінде оқушылардың ғылыми жобалары таныстырылды.