🌱”КӘСІБИ БАҒДАР” ТАҚЫРЫБЫНДА TEDx КОНФЕРЕНЦИЯСЫ ӨТТІ

Тараз қаласындағы НЗМ «Кәсіби бағдар» тақырыбында ерекше TEDx конференциясы өтті. Конференцияның құрметті қонағы ретінде NIS оқушысының ата-анасы, Әл-Фараби атындағы мектебінің директоры, PhD докторы Айнұр Жексембинова шақырылды. Ол өз сөзінде адам өміріндегі энергияның маңызды рөлін атап өтіп, Лала Делианың «Жоғары дірілге апаратын жол» атты кітабына негізделген тәжірибелерді ұсынды. Бұл оқушылардың ерекше қызығушылығын оятып, олардың мансаптық бағыттарын анықтауға сеп болды. Сонымен қатар, Айнұр Кәрімбекқызы кез келген жағдайға позитивті көзқараспен қарау, қиындықтарды жеңу және болашаққа сеніммен қараудың маңыздылығын айшықтады. Ол позитивті ойлаудың адам өміріне қалай әсер ететінін және тіпті ең қиын сәттерде де рухани күш беретіні жайлы түсіндірді.
Конференцияның келесі спикері, мектептің кәсіптік бағдар берушісі Лаура Дарибаева, еңбек нарығындағы қазіргі тенденциялар туралы кеңінен әңгімелеп, болашақ мамандықтар мен олардың талаптарына тоқталды. Сондай-ақ, 9-сынып оқушылары өз баяндамаларында мамандық таңдаудың маңыздылығы мен болашаққа қатысты ойларымен бөлісті.