🌱”ҰЛЫ ДАЛА МҰРАГЕРЛЕРІ” ДОМБЫРАШЫЛАР ФЛЕШМОБЫ

Қазақстан Республикасы күніне орай Тараз қаласындағы Назарбаев Зияткерлік мектебінің өнерлі жастары “Mart” сауда үйінде “Ұлы даланың мұрагерлері” атты домбырашылар флешмобын ұйымдастырды. Бұл шарада мектептің домбырашыларынан құралған “Жігер” ансамблі қазақтың ұлттық күй өнерін паш етіп, халыққа “Түркімен”, “Балбырауын”, “Ата толғау” және “Ерке сылқым” күміс күйлерін күмбірлетті. Бұл тамаша атмосфераны Назарбаев Зияткерлік мектебінің өзге де оқушылары әсем биі және әуезді әндерімен жалғады. Осылайша олар сауда үйінің ішін мерекелік көңіл күйге бөледі. Талантты жастардың өнері көпшіліктің көңілінен шығып, тыңдаушыларға рухани серпіліс сыйлады.