🌱”ЕГЕМЕН ЕЛДІҢ ЕРТЕҢІ” ТАНЫМДЫҚ КЕШІ

⚜️Бүгін Тараз қаласындағы Назарбаев Зияткерлік мектебінде Қазақстан Республикасы күніне орай «Егемен елдің ертеңі» атты танымдық кеш өтті. Шараға өңірімізге және елімізге танымал тұлғалар қатысып, оқушыларға рухани азық сыйлады.
⚜️Кеш қонақтары қатарында «Рысбаева и Ко» ЖШС және «A-Status» жекеменшік білім беру кешенінің негізін қалаушысы Сәуле Рысбаева болды. Оның кәсібилігі мен тәжірибесі оқушыларды тәнті етті. Сонымен қатар, «Гульфайруз студио» ұлттық нақыштағы киімдер студиясының жетекшісі Гульфайруз Нурабаева ұлттық құндылықтар мен салт-дәстүрді насихаттау жолындағы еңбегімен таныстырды. Медицина саласының өкілі, дәрігер-нейрохирург Жандос Семизтаев та өз тәжірибесімен бөлісті.
⚜️Мереке қарсаңында бірқатар ұстаздар марапатталып, қонақтарға арнайы сыйлықтар табысталды. Бұл кеш оқушыларға өмірлік бағыт-бағдар беріп, олардың жүрегінде елге, туған жерге деген мақтаныш сезімін ұялатты.