🌱ТАРАЗ ҚАЛАСЫНДАҒЫ НЗМ ОҚУШЫЛАРЫ РЕСПУБЛИКАЛЫҚ ҒЫЛЫМИ ЖОБАЛАР КОНКУРСЫНДА ЖЕТІСТІКТЕРГЕ ЖЕТТІ

«Назарбаев Зияткерлік мектептері» дербес білім беру ұйымы филиалдарының оқушылары арасында жалпы білім беретін пәндер бойынша Республикалық ғылыми жобалар конкурсының желілік кезеңінің жүлдегерлері анықталды. Қарағанды және Қостанай қалаларында орналасқан NIS мектептерінде өткен бұл жобаға әртүрлі салаларда зерттеулер жүргізген дарынды оқушыларымыз қатысып, жүлделі орындарға ие болды.
🔸Барысхан Қалдыбай – информатика саласындағы ерекше жетістіктері үшін 2-орынды қанжығасына байлады.
🔸Айдана Курбанова және Аймэри Дүйсенбек – қоршаған ортаны қорғау және адам денсаулығы бағыты бойынша үздік нәтижелер көрсетіп, жүлдегер атанды.
🔸Нұрай Мәлік, Қайнарбек Талап – өлкетану бағыты бойынша өзіндік зерттеулерімен көзге түсіп, жүлдеге ие болды.
🔸Сырым Уали – этномәдениеттану саласында айрықша жетістіктерге жетіп, жүлдегерлер қатарынан көрінді.
🔸Алия Жарқынова – экономика саласында зерттеу жасап, жүлделі орынға ие болды.
Барлық жеңімпаздарды және жетекшілерін құттықтаймыз, оларға болашақта жаңа ғылыми жетістіктер тілейміз!