🌱”A MILLION DREAMS” АРТ-ФЕСТИВАЛІНДЕ НЗМ ШӘКІРТТЕРІ ДЕ ҮЗДІКТЕР ҚАТАРЫНАН КӨРІНДІ

Шымкент қаласында Назарбаев Зияткерлік мектептерінің «A Million Dreams» желілік арт-фестивалі өз мәресіне жетті. Екі күнге созылған фестивальде оқушылар өнердің түрлі бағыттарында өз таланттарын көрсетіп, шығармашылық шеберліктерін шыңдады. Жылдың жарқын шараларының біріне айналған бұл фестиваль жас таланттарға шабыт беріп, жаңа бастамаларға жол ашты. Фестиваль соңында үздік қатысушылар анықталып, арнайы марапаттарға ие болды.
Фестиваль қорытындысы бойынша Тараз қаласындағы НЗМ оқушылары да үздіктер қатарынан табылып, әртүрлі номинациялар бойынша жоғары марапаттарға ие болды:
Атап айтсақ, Мюзикл бағытында «Үздік дуэт» номинациясын Альмактум Аскар мен Мерей Мамырова жеңіп алды. Кескіндеме бағыты бойынша Әділет Даулети «Үздік көрнекі эффектілер» номинациясымен марапатталды.
Қолөнер бағытында «Қыш жасау» номинациясын Арай Кеңшілік, Томирис Алимжанова, Айсұлтан Жиенбай және Ерсұлтан Жиенбай иеленсе, Арт-фото бағытында Сабина Еламан, Альбина Еламан және Адлет Бизаковқа «Үздік көрнекі эффектілер» номинациясы бұйырды.