🌱”АУА-РАЙЫНЫҢ ҚҰБЫЛМАЛЫ ҚҰПИЯЛАРЫ” ТАНЫМДЫҚ КЕЗДЕСУ

🌱Бүгін Назарбаев Зияткерлік мектебіне “Тарих және география” апталығы аясында арнайы қонақ ретінде «Қазгидромет» Тараз қаласындағы метеостанциясының бас метеорологы Алия Дүйсетаева шақырылды. Ол оқушыларға “Ауа райының құбылмалы құпиялары” тақырыбында қызықты және танымдық дәріс өткізді. Кездесу барысында Алия Өміржасарқызы ауа райын болжаудың заманауи әдістері, метеорологияның дамуы, климат өзгерістері, олардың қоршаған орта мен адамдарға әсері туралы жан-жақты ақпарат берді.
🌱Оқушылар табиғат құбылыстарын бақылау, деректер жинау және ауа райын болжау технологияларына қатысты көптеген сұрақтар қойып, маңызды мәліметтер алды. Кездесу жоғары деңгейде өтіп, бұл дәріс оқушыларға ауа райының құбылмалы табиғаты мен оның күнделікті өмірге әсері туралы түсініктерін кеңейтуге ой салды.