🌱”КӨНЕ ТАРАЗ” ЖЫЛЖЫМАЛЫ КӨРМЕСІ - НАЗАРБАЕВ ЗИЯТКЕРЛІК МЕКТЕБІНДЕ

🌱”Тарих-география апталығы” аясында мектепте музей күніне арналған көрме өтті. Іс-шараның басты мақсаты — оқушыларды туған өлкенің тарихи-мәдени құндылықтарымен таныстыру және тарих пәніне деген қызығушылықтарын арттыру болды.
🌱Көрмеге Жамбыл облыстық тарихи-өлкетану мұражайының “Көне Тараз” атты экспонаттары қойылды. Мұражай қызметкерлері оқушылармен кездесу өткізіп, әрбір жәдігердің тарихы мен маңызы туралы кеңінен әңгімеледі. Бұл ашық кездесуде оқушылар өлкеміздің терең тарихымен танысып, қызықты мәліметтерге қанықты.