🌱ҚҰҚЫҚТЫҚ САУАТТЫЛЫҚТЫ АРТТЫРУ БОЙЫНША ДӨҢГЕЛЕК ҮСТЕЛ ӨТТІ

🌱Назарбаев Зияткерлік мектебінде құқық пәні аясында 7-10 сынып оқушылары үшін «Кәмелеттік жасқа толмаған жасөспірімдердің құқық бұзушылықтың алдын-алу» тақырыбында дөңгелек үстел ұйымдастырылды. Іс-шара барысында оқушылар кәмелет жасына толмағандар арасында жиі кездесетін құқық бұзушылық түрлері мен олардан сақтану жолдары туралы құнды ақпарат алды.
🌱Кездесуге Тараз мемлекеттік университетінің мемлекеттік және әкімшілік кафедрасының аға оқытушысы, кәмелеттік жасқа толмағандар ісі бойынша маман Асқар Қадырқұлов арнайы шақырылып, өз тәжірибесімен бөлісті. Ол жасөспірімдердің құқықтарын қорғау және құқық бұзушылықтардың алдын алу туралы кеңестер беріп, оқушылармен өзекті мәселелер бойынша пікір алмасты.
🌱Бұл дөңгелек үстел оқушыларға құқықтық сауаттылығын арттыруға, жауапкершілікті сезінуге және болашақта құқық бұзушылықтардың алдын алуға бағытталған пайдалы кездесу болды.