🌱ӨЗІН-ӨЗІ БАСҚАРУ ҰЙЫМЫНЫҢ ЖАҢА ПРЕЗИДЕНТІН ҰЛЫҚТАУ РӘСІМІ ӨТТІ

🌱Тараз қаласындағы Назарбаев Зияткерлік мектебінде өзін-өзі басқару ұйымының жаңа Президентін ұлықтау рәсімі өтті. Бұл іс-шараға мектеп ұжымы, оқушылар қатысып, мектептің жаңа көшбасшысына қолдау көрсетті.

🌱Рәсім барысында бұған дейін өз міндетін абыроймен атқарған Нұрай Махамбетәліге алғыс білдіріп, оны құрметпен шығарып салды. Нұрайдың көшбасшылығы мен бастамалары мектептің дамуына оң әсерін тигізді, сондықтан оған ерекше ықылас пен ризашылық сөздер айтылды.

🌱Сондай-ақ, жаңа Президент Сұлтан Әсемғалиға символикалық төсбелгі тапсырылды. Ол өз кезегінде оқушыларға, ұстаздарға алғыс айтып, алдағы оқу жылына арналған жоспарлары мен мақсаттарымен бөлісті. Жаңа басшы оқу сапасын арттыру, мектептегі тәртіпті сақтау және әрбір оқушының өзін-өзі дамытуына жағдай жасау бойынша бастамаларын абыроймен атқаруға сөз берді.