🌱ҰЛТТЫҚ ВАЛЮТА КҮНІНЕ КӨРМЕ ҰЙЫМДАСТЫРЫЛДЫ

🌱Тараз қаласындағы Назарбаев Зияткерлік мектебінде куратор Дана Орынбаеваның жетекшілігімен биыл екінші жыл қатарынан жұмыс істеп жатқан «Мәдениет әлеміндегі отбасы» ата-аналар клубы Ұлттық валюта күніне орай ерекше нумизматикалық көрме ұйымдастырды. Бұл көрмеде клуб төрағасы Д.Отаровтың жеке коллекциясы мектеп қауымдастығына таныстырылды.
🌱Көрмеге 600-ден аса монета мен 130-ға жуық түрлі купюралар қойылды. Ұсынылған экспонаттардың арасында ерекше, бағалы және сирек кездесетін бірліктер де болды. Олардың ішінде «Қар барысы» кәдесый блистер жинағы, «Өмір шежіресі» /777/ және «Жеті қазына» блистер жинағы сияқты қызықты жәдігерлер ұстаздар мен оқушылардың қызығушылықтарын оятты.
🌱Көрме тек валюта мен монеталарды ғана емес, сонымен қатар тарих пен мәдениетті дәріптейтін орын болды. Жиналғандар үшін бұл шара үлкен тәрбиелік мәнге ие болып, еліміздің ұлттық валютасымен танысуға тамаша мүмкіндік берді.