🌱АТА-АНАЛАР ҮШІН АШЫҚ ЕСІК КҮНІ ӨТТІ

🌱Бүгін Тараз қаласындағы Назарбаев Зияткерлік мектебінде ата-аналар үшін Ашық есік күні өтті. Бұл шара барысында ата-аналар мектеп өмірімен жақынырақ танысу мүмкіндігіне ие болып, пән мұғалімдерімен және кураторларымен сөйлесті. Балалардың күнделікті сабақтарына қатысып, оқу бағдарламасының ерекшеліктерімен танысты. Одан бөлек, шара барысында өткен шеберлік сағаттарын тамашалап, ашық хаттар жасады. Ата-аналар мектеп әкімшілігі мен ұстаздарға сапалы білім мен қолдау көрсетіп жатқаны үшін шынайы алғыстарын білдірді. Естеріңізге саламыз, Ашық есік күні 3 күнге жалғасады.