🌱АШЫҚ ЕСІК КҮНІ АЯСЫНДА ШЕБЕРЛІК САҒАТТАРЫ ҰЙЫМДАСТЫРЫЛДЫ

🌱Тараз қаласындағы Назарбаев Зияткерлік мектебінде Ашық есік күні аясында түрлі шеберлік сағаттары ұйымдастырылды. Оқушылар Ван Гог шығармашылығына арналған арт-терапияға қатысып, шығармашылық қабілеттерін дамыту мақсатында түрлі суреттер салып, өнерге жақындай түсті. Жаңадан ашылған “Бойтұмар” үйірмесінің жұмысы таныстырылып, үйірмеге жазылған қыздар саны артты.
🌱Қолөнерге қызығушылық танытқандар қыштан құмыра жасап, құрғақ жүннен ерекше картиналар жасады. Сондай-ақ, шара барысында караокеде ән шырқап, мерекелік көңіл-күйге бөленді. Мектеп іші шығармашылық пен достықтың мерекесіне айналып, оқушылар үшін ерекше әсерлі әрі қызықты күн болды.