Кәсіби бағдар беру бойынша кеңесшілерге арналған семинар

17 қазан күні Алматыдағы NIS-те Назарбаев Зияткерлік мектептеріндегі кәсіби бағдарлау жұмысын одан әрі жетілдіру және оқушыларға кәсіби бағыт беру бойынша кеңесшілеріне әдістемелік көмек көрсету мақсатында семинар өтті. 22 мектептен келген кеңесшілер түрлі сессияларға қатысты. Семинар тақырыптары келесі бағыттарды қамтыды: халықаралық гранттар мен олардың ерекшеліктері, түрлі елдерде білім алу мүмкіндіктері, еңбек нарығындағы қазіргі сын-тегеуріндер мен трендтер, кәсіби бағдарлау саласындағы заманауи тенденциялар, жоғары білім беру бағдарламалары, сондай-ақ шетел университеттеріне түсу ерекшеліктері.