Назарбаев Зияткерлік мектептерінің тәжірибесін тарату

Назарбаев Зияткерлік мектептерінің тәжірибесін тарату елдің орта білім беру жүйесін дамытуда, сондай-ақ «Назарбаев Зияткерлік мектептері» ДББҰ - 2035 даму стратегиясын іске асыруда маңызды рөл атқарады.

Назарбаев Зияткерлік мектептерінің тәжірибесін тарату бойынша жобалар сәтті жалғасуда, қазақстандық қоғамда оң пікірге ие және қазақстандық оқушылардың білім сапасын арттыруда мемлекеттің, бизнестің және білімнің күш-жігер синергиясының жақсы үлгісі болып табылады. 

Білім беру бағдарламалары орталығы Заманауи білім беру талаптарына және оқытудың инновациялық әдістеріне сәйкес келетін заманауи білім беру бағдарламаларын әзірлеумен айналысады. Бұл бағдарламалар орта білім беру жүйесіндегі басқа оқу орындарына бейімделеді және беріледі. Орталық тірек мектептердің педагогтарын пәндік білім, зерттеу дағдылары және функционалдық сауаттылық бойынша оқытуды жүргізеді.

Педагогикалық кадрларды қолдау: тәжірибені сәтті тарату үшін мұғалімдердің қолдауы мен кәсіби дамуын қамтамасыз ету маңызды. Педагогикалық шеберлік орталығы біліктілікті арттыру курстарын, оқыту іс-шараларын, семинарлар мен шеберлік сыныптарын ұйымдастырады, онда педагогтар тәжірибе алмасып, оқытудың жаңа әдістемелерін меңгере алады.

Тәжірибені тиімді тарату үшін оқу материалдарын, онлайн курстар мен әдістемелік құралдарды қоса алғанда, білім беру ресурстарын құру қажет. Бұл ресурстар мұғалімдер мен оқушылардың кең аудиториясына қол жетімді болуы мүмкін.

Порталда мұғалімдерді қолдау үшін https://tt.nis.edu.kz / тірек мектептердің тәжірибесінде тексеруден өткен ең тиімді материалдармен толықтырылатын әдістемелік ресурстар банкі құрылды. Әрбір тірек мектептің ағымдағы мектеп жағдайын талдау мақсатында сандық және сапалық деректерді ұсыну үшін жеке аккаунты бар.

«Жүйелік-әдістемелік кешен» сайты https://smk.edu.kz / тиімді оқытуға арналған ең үлкен ресурстық кітапхананы қамтиды. Еліміздің әр өңіріндегі Назарбаев Зияткерлік мектептері мектепті басқару, заманауи жабдықтарды пайдалану бойынша өз мектептерінің базасында тағылымдамалар, ашық сабақтар өткізеді, сондай-ақ әдістемелік көмек көрсету мақсатында тірек мектептерге барады.

«Ауылдық жерлерде тірек мектептердің әлеуетін дамыту» жобасы. 2023 жылғы 26 маусымда «Қазақстан халқына» ҚҚ, «Назарбаев Зияткерлік мектептері» ДББҰ және «Білім беруді тұрақты дамыту Қоры» ҚҚ арасында «Ауылдық жерлерде тірек мектептердің әлеуетін дамыту» қайырымдылық жобасын іске асыру және масштабтау шеңберінде ынтымақтастық туралы жаңа меморандумға қол қойылды. 2023 жылдың тамыз айынан бастап жобаға қосымша 62 ауылдық тірек мектебі енгізілді.

«Ауылдық жерлерде тірек мектептердің әлеуетін дамыту» жобасын іске асыру шеңберінде Алматы қ. ФМБ НЗМ-не Алматы облысында үш тірек мектеп бекітілді:

 - Алматы облысы, Шонжы ауылы Абай атындағы мектеп-гимназия

 - Алматы облысы Райымбек ауданы Б.Соқпақбаев атындағы орта мектеп гимназиясы

- № 117 жалпы білім беретін мектебі.

2023-2024 оқу жылының басынан бастап Алматы қ. ФМБ НЗМ базасында Алматы облысының тірек мектептерінің мұғалімдері мен кітапханашылары үшін тағылымдамалар ұйымдастырылды. Сондай-ақ тірек мектептердің пән мұғалімдері мен психологтары үшін пәндік білім, зерттеу дағдылары және функционалдық сауаттылық бойынша көшпелі семинарлар өткізілді. Алдағы 2025 жылға қарай «Ауылдық жерлерде тірек мектептердің әлеуетін дамыту» жобасына қосымша 56 ауылдық тірек мектептері қосылады. 2026 жылдың соңында жобамен еліміздің барлық аудан орталықтары мен моноқалалардағы 191 ауылдық мектеп толыққанды жарақтандырумен, педагогтердің жүйелі әдістемелік қолдауымен, тәжірибені өңірлердің басқа мектептеріне таратумен қамтылатын болады.