Қалай ұшқыш болуға болады?

Атыраудағы NIS-те осындай атаумен ерекше жүздесу өтті. Бұл жолғы спикер-қонақтар – Алматыдаг арнайы ат артып келген Air Astana әуе компаниясының өкілдері.

Оқушыларға кәсіби бағдар беру мақсатында өткізілген жүздесу барысында Air Astana-ның екінші ұшқышы Жандос Құсаин өз тәжірибесі негізінде ұшқыш болғысы келетін оқушыларға осы салаға қатысты пайдалы кеңестерін берді. Ал, рекрутер Інжу Ауесхан компания туралы толық ақпарат беріп, бұл салаға келу, сондай-ақ, кәсіби тұрғыда өсу турасында сөз қозғады.

Оқушылар арасында ұшқыш болуға ниеттілері де бар. Олар осы мамандыққа бет бұру үшін орындалуы шарт алғышарттармен жіті танысып, кең көлемдегі ақпараттарға қанықты.