«Сахна сиқыры» атты шығармашылық кеш!

8 қазан күні Қарағанды қаласындағы химия-биология бағытындағы Назарбаев Зияткерлік мектебінің акт залында «Сахна сиқыры» атты шығармашылық кеш үлкен жетістікпен өтті. Концертке 7-12 сынып оқушылары қатысып, өз таланттарын ортаға салды. Жүргізуші Жанғалиева Айша (8 «А» сыныбы) шараны шеберлікпен жүргізіп, оған ерекше жылулық пен қуаныш сыйлады.

Концерттің ашылуы халық күйі «Адай» орындалуымен басталып, көрермендерді ұлттық әуеннің сиқырына бөлеп, ерекше әсер қалдырды. Кеш бағдарламасы алуан түрлі болды: испан биінен бастап, заманауи әуендер мен билерге, әсем саксофоннан кәсіби вокалға дейін. Көрермендерге «Феличита» әні, «Arabian Nights» биі және саксофонда орындалған «Маэстро» композициясы ерекше әсер етті.

«Ләйлім шырақ» пен «Құдаша» би нөмірлері көрермендердің ыстық ықыласына бөленіп, үлкен қолдау тапты. Кеш «Мектеп» әнімен аяқталып, барлық қатысушылар мен қонақтар бірлікте баршаға сәттілік тілеп, кешті қорытындылады.

Бұл кеш жас таланттардың шеберлігі мен шығармашылығының жарқын мерекесі ретінде ұзақ уақыт есте сақталары сөзсіз.