«Үш бәйтерек – үш алып»

🌱Павлодар қаласындағы NIS мектебі  базасында онлайн форматта серіктес мектептер арасында «Үш бәйтерек – үш алып» тақырыбында С.Сейфуллин, І.Жансүгіров, Б.Майлиннің туғанына 130 жыл толуына орай серіктес мектептердің оқушылары арасында халықаралық конференция өтті. Жиын мақсаты қазақ руханиятының үш бәйтерегі атанған тұлғалардың әдеби мұрасын зерттеу, тану, рухани жаңғыру контексінде көпшілікке насихаттау. Серіктестікті нығайта отырып, оқушылардың танымдық, біліктілігін арттыру, тәжірибе алмасу Конференцияға дарынды балаларға арналған Алтынсарин атындағы мектеп-гимназиясы, Моңғолия республикасы Баян-Өлгей аймағы Зайд орта мектебінің шәкірттері қатысты. Үш алыптың өмір жолы мен қоғамға сіңірген еңбегі, ұлты үшін, елінің болашағы үшін қалдырған қымбат қазынасы туралы оқушылар өзіндік зерттеулерін ұсынды. Нәтижесінде қатысушыларға сертификат табысталды.  Конференцияға белсенділік танытқан Инабат Байзолова, Асанәлі Қаратай, Әдемі Секенова (Алтынсарин атындағы мектеп-гимназиы),Мұхамедғали Дүйсенбек (Моғголия, Зайд мектебі), Аймерей Косыбаева,Тоғжан Канкина, Диана Джумашева (Назарбаев Зияткерлік мектебі) оқушылары алғыс хатпен марапатталды.   Рухани байлығы мен мол тағылымы ұштасқан іс-шараның тәлім алушыларға берері көп. Ұлыларымызды ұлықтайық!  📚