2025 жылы NIS-ке түсушілерге арналған байқау тесті

Құрметті ата-аналар, 2024 жылдың 25 қарашасынан бастап https://trialtest.nis.edu.kz сайтында 2024 жылдың 7 желтоқсаны күні сағат 9:00-де қалаңыздағы NIS-те өтетін байқау тестіне тіркеліңіз.

НЗМ сарапшылары әзірлеген байқау тесті конкурстық іріктеуге барынша жуықтатылған форматта өтеді.

Байқау тесті балаңызға не береді?

• Дайындықтың қазіргі кезеңіндегі білім деңгейін анықтайды. Биылдан бастап байқау тестінен өткен әрбір оқушы жеке кері байланыс алады: әрбір пән бойынша тестілеуде қате жіберген тақырыптар тізімі, сонымен қатар NIS-ке түсуге дайындық бойынша ұсынымдар беріледі. Бұл жекелеген пәндер мен тақырыптар бойынша білімді тереңдетуге мүмкіндік береді. Сол себепті оқушының наурызға дейінгі дайындығы көбірек нәтиже әкеледі.

• Байқау тестіне арналған тестілер NIS сарапшылары тарапынан құрастырылған, бұл олардың өзектілігіне кепілдік береді. Бала тапсырмалардың сипаты мен типтерімен танысады, бұл оқушының емтихан тапсыру дағдысын жетілдіріп, әрі қарай әрбір пән бойынша берілген уақытты тиімді пайдалануға мүмкіндік береді.

• Байқау тесті 2025 жылдың наурыз айында конкурстық іріктеудің өзі өтетін кабинеттер мен жағдайда өтеді, демек бала қорытынды тестілеуде қобалжымай, сенімділікті сезінеді. Себебі үйреншікті ортаға келіп, NIS-те тест тапсыру тәжірибесіне ие болады.

2025 жылы NIS-ке түсушілерге арналған байқау тестілерінің кестесімен https://trialtest.nis.edu.kz сайтында танысуға болады. Алдын ала тіркелу күндері де аталмыш сайтта көрсетілген.

Байқау тестінің құны – 15 000 теңге. Тестілеудің нәтижесі бойынша жеке есеп Жеке кабинетте орналасады. Тіркеу, төлем жасау, тестілеуден өту сұрақтарымен ата-аналардың дүйсенбі мен жұма аралығында (сағ. 9:00-ден 18:00-ге дейін) +7 775 63 72 366 нөмірі бойынша қоңырау шалуына немесе жазуына (WhatsApp) болады.