Петропавлдық NIS оқушылары ұлы ақын Абайдың өлеңдерін оқып, құрмет көрсетті

Биыл ұлы ақын, ұстаз, ағартушы, қазақ әдеби тілінің негізін қалаушы философ, сазгер, аудармашы, саяси қайраткер Абай Құнанбайұлының туғанына 179 жыл толып отыр. Атаулы күнге орай қалалық мәдениет үйінде “Өлең-сөздің патшасы, сөз сарасы” атты әдеби-сазды кеші ұйымдастырылды. Оған қалалық мектептердің оқушылары қатысып, ұлы ақынның қиыннан қиыстырылған шығармаларын жатқа оқып, ұлы ақынның рухына құрмет көрсетті.
Шараға Петропавл қаласының Назарбаев Зияткерлік мектебінің оқушылары да қатысты. Айдана Бекпенлва Абайдың “Ғылым таппай мақтанба”, “Жаз” өлеңдерін, Жасмин Серікпай “Қыс” өлеңін және Жанель Турсунова “Сенбе жұртқа тұрса да қанша мақтап” шығармасын мәнерлеп оқып берді. Шара барысында оқушыларға ұлтымыздың ұлы тұлғасының өмірі мен шығармалары жайла да көптеген ақпарат берілді.