Kiva бойынша оқу өтті

Петропавл қаласының Назарбаев Зияткерлік мектебінде буллингке қарсы күрес бойынша жетекші әлемдік бағдарламалардың бірі болып табылатын Kiva бойынша төрт күндік оқу өтті. 2023 жылдан "Назарбаев Зияткерлік мектептері" ДББҰ Турку университетінде (Финляндия) әзірленген осы бағдарламаның серіктесі болып табылады. Бұл орайда озық жобаның көмегімен қазақстандық мектептерге буллингке қарсы іс-қимылдың озық әдістерін енгізуге мүмкіндік бар.

Бірінші кезекте петропавлдық NIS-тің барлық тірек мектептерінің өкілдері, соның ішінде Мағжан Жұмабаев, Мамлют, Уәлиханов, Есіл және Жамбыл аудандарының 5 мектебінің ұжымы оқытудан өтті. Төрт күн ішінде сынып жетекшілері, мектеп психологтары және директорлардың орынбасарлары құнды білім мен практикалық дағдыларға ие болды. Сонымен қатар әр мектепке буллингке қарсы шараларды тиімді қолдануға көмектесетін әдістемелік әзірлемелер берілді. Оқу аяқталғаннан кейін барлық қатысушыларға курстан өткенін растайтын сертификаттар табыс етілді.

Кездесуге қатысушылар KiVa бағдарламасының пайдасы мен маңыздылығын атап өтіп, өздерінің оқу орындарында буллингпен белсенді күресуге және барлық оқушылар үшін қауіпсіз және қолдау ортасын құруға дайын екендіктерін білдірді.

Айта кетейік, бүгінде Еуропаның, Солтүстік және Оңтүстік Американың, сондай-ақ Океанияның 23 елінде іске асырылып келетін KiVa бағдарламасы биыл Қазақстанда  пилоттық түрде енгізілуде.