7 сынып оқушыларына арналған бейімдеу апталығы

Петропавл қаласының Назарбаев Зияткерлік мектебінде 7 сынып оқушыларына арналған бейімдеу апталығы басталды. Бұл уақыт аралығында балалар оқу процесімен және жаңа мектеп ортасымен біртіндеп танысады. Алдымен оқушылар үшін жалпы жиналыс өткізілді. Кейін олар кураторларымен және сыныптастарымен кураторлық сағатта кездесіп, бір-бірімен танысып, мектептің ережелері жайлы білді.

Сонымен қатар оқушыларға арнап мектеп бойынша экскурсиялар ұйымдастырылды.
Бейімделу апталығы барысында балалар қазақ, орыс және ағылшын тілдерін оқиды. Бұл оларға білімдерін нығайтып, алдағы оқу жылына дайындалуға септеспек. Биыл Петропавл қаласының Назарбаев Зияткерлік мектебі "Өркен" грантының иегері атанған 152 оқушыны қабылдады.