Дәстүрлі педагогикалық кеңес өтті

Петропавл қаласының Назарбаев Зияткерлік мектебінде жаңа оқу жылының қарсаңындағы дәстүрлі педагогикалық кеңес өтті. Кездесуде өткен жылдың қорытындылары, оның ішінде оқушылардың оқу жетістіктері, әдістемелік және ғылыми жұмыстың орындалуы, сондай-ақ тәрбие қызметі талқыланды. Мектеп директоры Данияр Уәлиев келесі оқу жылына арналған негізгі міндеттер мен басымдықтарға назар аударды.

Кеңесте сыртқы жиынтық бағалауда ең жоғары нәтиже көрсеткен оқушылардың  педагогтары марапатқа ие болды. Сондай-ақ, бірқатар ұстаздарға "Назарбаев Зияткерлік мектептері" ДББҰ Басқарма Төрағасының алғыс хаттары мен Құрмет грамоталары табысталды. NIS қызметкерлерінің жыл сайынғы желілік спартакиадасына қатысқан мектеп командасы да осы жиында марапатталды.