“FIRST Robotics” робототехника бойынша республикалық ғылыми жобалар байқауының жаттығу кезеңі

Петропавл қаласының Назарбаев Зияткерлік мектебінің информатика пәнінің мұғалімдері Әділбек Исмагулов пен Дарья Сергиенко “FIRST Robotics” робототехника бойынша республикалық ғылыми жобалар байқауының жаттығу кезеңінде практикалық семинар өткізді. “Қызылжар дарыны” орталығы ұйымдастырған іс-шара облыстың түкпір-түкпірінен келген ұстаздар мен оқушыларды беделді байқауға қатысуға дайындау үшін жинады.
Семинардың теориялық бөлімі “FIRST Robotics” кезекті маусымының негізгі тақырыптарына, жарыс санаттары мен жобаларға арналған идеяларды талқылауға арналды. Назарбаев Зияткерлік мектебінің информатика пәнінің мұғалімдері шара барысында өз білімдері мен тәжірибелерін бөлісті.
Семинардың практикалық бөлігінде оқушылар Lego EV3 жиынтықтарын пайдаланып роботтарды жинады, роботтарды басқару үшін 3D модельдер жасады және Clever ортасында мәселелерді шешті. Қатысушылар барлық тапсырмаларды сәтті орындады.
Бұл жаттығу кезеңі “FIRST Robotics” байқауының өңірлік кезеңіне маңызды қадам болып табылады. Мұнда қатысушылар негізгі техникалық дағдыларды дамытуға және робототехника әлеміне тереңірек енуге мүмкіндік алды.