Тоғызқұмалақтан желілік спартакиада

Еліміздің барлық NIS мектептерінде тоғызқұмалақтан желілік спартакиада бастау алды. Дәстүр бойынша Петропавл қаласының Назарбаев Зияткерлік мектебінің оқушылары да өздерінің спорттық дағдылары мен табандылығын көрсету үшін ауқымды іс-шараға белсенді қатысуда. Биыл мектеп намысын Данияр Тлепберген, Жібек Нагашибаева, Ерасыл Кейкі және Гүлбаһрам Нұрлан қорғамақ. Спартакиада 7 турдан тұрады, онда қатысушылар түрлі мектептердегі қарсыластарымен онлайн кездесіп, өз шеберліктерін көрсетеді.
Виртуалды кездесулер 8 қарашаға дейін жалғаспақ. Ойындардың қорытындысы бойынша барлық Назарбаев Зияткерлік мектептерінің арасындағы үздік тоғызқұмалақшылар анықталады. Мектеп ұжымы біздің спортшыларымыздан жоғары нәтижелер күтеді.