Топжарған түлектер

Биыл мектебімізден 83 түлек мектепті тәмамдап, жоғары оқу орындарына қадам басуда. Олардың ішінде отандық және халықаралық деңгейдегі шетелдік жоғарғы оқу орындарына қабылданғандар бар.

Атап айтсақ, 44 зияткеріміздің таңдауы Times Higher Education (THE) 2024 жылғы World University Rankings рейтингі бойынша халықаралық зерттеу университеттерінің 30 пайызының қатарына кіретін Назарбаев Университетіне (NU)  түссе, 20 түлегіміз еліміздегі беделді білім мекемелері - Қазақ-Британ техникалық университеті (ҚБТУ), Астана IT университеті, Астана медицина университеті, М.Нәрікбаев атындағы қазақ гуманитарлық-заң университеті, Нархоз университеттерінде білім алуға ниет білдірді.

Шетелдік жоғарғы оқу орындарын таңдаған шәкірттеріміздің де қатары аз емес. Олар білім мүмкіндіктерін кеңейту мақсатында Венгрия, Гонконг, Түркия, Италия, Қытай Халық Республикасы, Малайзия және Ресей мемлекеттеріне аттанбақ.

Аталмыш түлектеріміздің жетісітігі олардың халықаралық білім алуға деген ұмтылысын және әлемдік деңгейдегі білім алу жолындағы ықыластарын көрсетпек.